Hrein unun á að horfa

Það er fokið í flest skjól þegar Höddi Magg yfirpúllari kemur varla upp orði yfir glæsilegri spilamennsku minna manna. Það er af sem áður var þegar maður var farinn að reita hár sitt yfir lýsingum Hödda en nú heyrast orð eins og "besta liðið í heiminum" og fleira í þeim dúr. LOLEn það er líka bara þannig að hrein unun er að horfa á Manchester United spila í dag, flæðið á boltanum er með ólíkindum og sendingar nánast klikka ekki allan leikin, víííííí.

Paul Scholes var magnaður í leiknum með magnað mark og svo virðist sem gömlumennirnir séu bara að yngjast og verða betri.

Rooney með mark eftir tvær mínútur inn á og ekkert virðist stöðva mína menn þessa stundina. Það nánast gleymist að Van Der Sar var að halda hreinu 14 leikinn í röð og er nú bara einum leik frá Evrópumetinu. Klapp Klapp.

Fimm stiga forskot á erkifjendurna og mun betra markahlutfall gerir framhaldið vænlegt, en það er samt ljóst að Liverpool mun ekki gefa kapphlaupið frá sér baráttulaust og verður endaspretturinn með þeim skemmtilegri í langan tíma

 

Man.Utd með fimm stiga forystu

Var komin ný ríkisstjórn?

ég var bara velta fyrir mér hvort það væri komin ný ríkisstjórn sem ætlaði að láta hendur standa fram úr ermum og gera eitthvað í málunum?

Það er eitthvað fólk í stríði við Dabba heyrir maður í fjölmiðlum en er það nýja ríkisstjórnin sem ætlaði að bjarga heimilunum.

Skandall..

..Að þessi ótrúlegi leikmaður hafi aldrei verið valin leikmaður ársins á Englandi!

Giggs er búin að eiga magnaðan feril og hefur sett standarda sem aldrei verða slegnir.

Hvenær skoraði Giggs síðast með hægri?

Eins og í gær ekki sanngjörn úrslit

Rétt eins og úrslitin hjá liðinu sem var í öðru sæti í gær og fór á toppinn voru úrslitin í dag ekki sanngjörn og hefðu báðir leikirnir átt að enda sem jafntefli.

Mínir menn virkuðu áhugalausir og baráttulausir mest allan leikinn og áhyggjuefni ef menn ætla fara mæta í leiki og telja að sigur sé sjálfsagður. Teves reyndar alltaf sívinnadi en þá er það líklega upptalið.

Eins og í flestum leikjum minna manna í dag féllu met og í þetta skiptið tvö. En Giggs skoraði í enn eitt árið og hefur skorað öll árin síðan úrvalsdeildin var stofnuð. Van Der Sar hélt hreinu enn einn leikinn og eru leikirnir orðnir 12 í röð, geri aðrir betur.

En mínir menn tilla sér aftur á toppinn og verða þar alla veg næstu tvæ vikurnar þar sem úrvaldeildin er kominn í frí sökum lands og bikarleikja.

ROCK ON
ps. Ingvar þú skuldar mér 10.000.- kall.

Ég veðja að hann skori í fyrsta leik með TOTT

Vill einhver Púllari veðja?

Ja hérna ruglið tekur ekki enda

Fyrst er Georg Bjarnfreðarson orðinn fjármálaráðherra með Jóhönnu sem "verkstjóra" ........

Svo kaupa menn fótboltamann og seljann nokkrum mánuðum seinna með 5 miljón punda tapi -

Er allt orðið CRAZZZZZZZYYYY

LOL

Keane aftur til Tottenham

Tveir frammherjar

Tveir frammherjar eru seldir síðasta sumar frá Tottenham til tveggja af sterkustu liðum Englands.

Annar hefur upp á síðkastið farið á kostum og unnið hug og hjörtu stuðningsmanna Raðu djöflanna sem margir hverjir voru ósáttir við verðið sem hann var keyptur á.

Hinn aftur á móti fór til liðs sem einhvern veginn hefur haft lag á því að láta lofandi leikmenn drabbast niður í meðalmennsku og væri hægt að telja upp langan lista leikmanna í því sambandi.

Eftir þrautargöngu Keane það sem af er vetri berast fréttir af því að Tottenham sé að spyrjast fyrir um kappann og verður það varla til að auka hróður Írans knáa.

http://www.visir.is/article/20090129/IDROTTIR0102/885071135

Sagt er að það verði líka tekin upp vinstruumverð á ný

Meiðslavandræði - engin afsökun!

 Mínir menn fá þann vafasama heiður að vera lang efstir af liðunum í ensku úrvalsdeildinni yfir þau lið sem eru með meidda leikmenn innanborðs. http://www.physioroom.com/news/english_premier_league/epl_injury_table.php 

Það er gaman að bera toppliðin tvo saman

Fjöldi skráðra leikmanna meiddir frá áramótum.

MAN UTD 9 - Liverpool 2

Fjöldi skráðra meiðsla síðastliðið ár, frá áramótum 2007 til dagsins í dag.

MAN UTD 113 - Liverpool 61

Þetta tímabil, til dagsins í dag

MAN UTD 40 - Liverpool 18

Þetta sýnir enn og aftur hvað hópur leikmanna á Old Trafford er gríðarlega breiður og að maður kemur í manns stað enda liðið á toppi deildarinnar, með í öllum keppnum, ríkjandi lands, Evrópu og heimsmeistari. Það er því vel skiljanlegt að þá helst púllarar verði grænir af öfund þar sem lið þeirra hefur ekki náð að sína styrk sinn nema að takmörkuðu leiti undanfarna áratugi og vafalaust sárt fyrir miðaldra stuðningsmenn að muna þá tíð þegar liðinu gekk allt í haginn löngum stundum.

En einnig augljóst að leikjaálag á leikmenn Manchester United er gríðarlegt.

Manchester United	12
Newcastle United	9
West Bromwich Albion	9
Bolton Wanderers	6
Everton	6
Tottenham Hotspur	6
Manchester City	5
Arsenal	4
Chelsea	4
Sunderland	4
Middlesbrough	3
Portsmouth	3
Stoke City	3
Aston Villa	2
Blackburn Rovers	2
Liverpool	2
West Ham United	2
Fulham	1
Hull City	1

Af hverju að lemja á löggunni? hvað hefur hún gert þjóðinni?

Ég er með skrifstofu í nágrenninu, ég var upp úr hádegi búinn að vera heyra háfaða sem ég skildi ekkert í því hvaða háfaði var, ég hélt fyrst að það væri kviknað annað stórbálið í miðborginni því stöðugur sírennuhljómur dundi yfir hverfinu.

Ég ákvað að fá mér hádegisgöngutúr til að kanna málið eftir að hafa séð á netinu myndir af lögreglumönnum gráum fyrir járnum, ég var þar greinilega einn af mörgum sem komið við til að skoða því flestir voru á rölti í hæfilegri fjarlægð að virða fyrir sér "ástandið". Ég tók mér stöðu á Austurvelli og virti fyrir mér það sem fyrir augu bar og fannst mér í fyrstu flott hvað stór hópur fólks var að gera, lemjandi potta, pönnur eða hvað það sem fyrir höndum bar, Stulli labbaði um með kafaraloftkút á bakinu tengdan við stóra loftlúðra og lét búnaðinn blása í gríð og er, FLOTTUR. En svo tók ég eftir að inn á milli voru einstaklingar sem greinilega voru að stofna til illinda, gengu ítrekað upp að lögreglumönnum með ógnandi tilburðum og orðbragði.

Ég tók eftir að í Alþingisgarðinum var eitthvað að gerast þannig ég ákvað að færa mig þangað. Ég labbaði í áttina að Dómkirkjunni, inni í Alþingisgarðinum var töluverður fjöldi fólks og fleiri streymdu inn í garðinn yfir vegginn þar sem lögreglan var búin að lokka hefðbundnum inngönguleiðum. Það var greinilega að byggjast upp mikill æsingur. Ýmsu lauslegu var grýtt í átt að lögreglumönnum og Alþingishúsinu og var þarna farið að bera minna á hávaðamótmælum þar sem fleiri og fleiri virtust hafa meiri áhuga á að úthúða lögreglunni eins óskiljanlegt og það kann að hljóma.

Ég kláraði hringinn í kringum húsið og labbaði ég um óáreittur enda rölti ég í rólegheitum og án fúkyrða í garð nokkurs mans sem á vegi mínum varð og þaðan beinustu leið upp á skrifstofu aftur. Áður en ég hélt heim á leið eftir vinnu ákvað ég að kíkja við aftur þar sem ég sá á netinu að enn var eitthvað af fólki á svæðinu. Töluvert minna var af fólki í seinnaskiptið en þeim mun meira var af fólki sem var mjög heitt í hamsi. Lögreglumenn allir út ataðir í mjólkurafurðum þar sem þeir stóðu undir stöðugum svívirðingum fólks og höfðu greinilega gert í allan þann tíma sem ég hafði verið í burtu.

Ég segi fyrir mitt leiti að þau mótmæli sem ég sá í fyrstu vera gríðarlega áhrifarík og kröftug, þar sem saman voru kominn stór hópur fólks með ýmiskonar hávaðatól til að láta ráðamenn heyra það með kröftugum hætti að þeim væri alvara með að eitthvað þyrfti að gera og það strax. En sá hópur sem greinilega nýtir sér ástandið til að fá útrás fyrir ofbeldi og skemmdarfýsn er einungis að skemma fyrir þeim góða málstað sem viðhafður er og eins víst að hann sameinar ekki þjóðina þvert á móti. Ég held að Hörður Torfa ætti nú bara að fá vini sína sem sjá um skipulag gleðigöngunnar til að fá þjóðina til liðs við sig því þar mæta ár hvert um 80.000.- manns ár hvert með áhrifaríkum hætti og án alls ofbeldis.

Lögreglumenn eru líka þjóðin og eru fólk eins og við hin, fólk sem er með erlend lán og skuldir sem vaða upp úr öllu valdi. Þetta er láglaunastétt sem vinnur undir miklu álagi, líkamlegu og andlegu sem ég held að fæstir þeir ofbeldisseggir sem þeim mæta gætu sinnt svo vel sé. það eina kannski sem þeir þurfa ekki að hafa áhyggjur af sem við flest hin þurfum að hafa áhyggjur af er að þeir missi vinnuna, ofbeldismenn mótmælanna sjá til þess.

Ég hvet mótmælendur til að láta ekki ofbeldis fólk innan þeirra raða afskiptalaust, það er alveg ljóst að ef þú ræðst gegn lögreglu með ofbeldi á hún engra kosta völ nema beita hörku til baka. Það eina sem það gefur af sér er meiri og meiri harka og hún er málstaðnum klárlega ekki til framdráttar.

Pís Át -