Sanngjarnt en samt ekki!

Ég er ekki stoltur af frammistöðu minna manna í dag, mínir menn voru í sjálfu sér miklu betri en ég tek ofan fyrir Derby liðinu fyrir gríðarlega baráttu og karakter og það vantaði ekki mikið upp á að þeir tækju eitthvað úr þessum leik.

Það má segja að það væri svipað andleysi í liðinu og tapinu í bikarnum, Giggs og Shcoles ekki að spila vel og það virðist sem bit vanti í sóknarleikinn í þeim leikjum sem þeir hafa tekið þátt í upp á síðkastið .

Skyldusigur og 3 stig í húsi - en klapp klapp fyrir Derby!

Manchester United á toppinn

Sussss

Arsenal - Liverpool - Liverpúl fer áfram
Roma - Manchester United - Man Utd fer áfram
Schalke - Barcelona - Barcelona fer áfram
Fenerbache - Chelsea - Fenerbache fer áfram

Síðan var dregið til undanúrslitanna sem munu líta þannig út:

Arsenal/Liverpool - Fenerbache/Chelsea Liverpúl vs Fenerbache

Schalke/Barcelona - Roma/Manchester United Barcelona vs Man Utd

Ég spái því Man Utd vs Liverpúl í úrslitaleik!!!!! SUSSSS það þarf hjartastyrkjandi ef það verður LOL 

Arsenal dróst gegn Liverpool

EKKI GOTT

Einhvern veginn leggst það ekki vel í mig að vera álitnir sigurstranglegastir - en jæja svið sjáum til

Manchester United er sigurstranglegast

Athyglisverð starðreynd

Athyglisverð staðreynd að þú getur farið í bíó yfir alla hátíðisdagana og horft á hasarmynd með tilheyrandi "axsjóni" en það er takmörkunum háð að fara á næsta pub og hvolfa úr krús með vinum !!!!

En það er sennilegast mest broslegt við þetta allt saman að til kl 15:00 á föstudaginnlanga má EKKERT gera !!! HVAÐ ER ÞAÐ? af hverju kl 15 en ekki 16 eða 14?

Alla vega þá er ég þeirrar skoðunar að þetta eigi bara vera frjálst.

Skemmtanahald takmarkað um bænadagana

Það er fundinn maður með viti í Arsenal liðinu

Hverjum hefði dottið það í hug að snemma árs 2008 hefði fundist nokkuð heilhryggður einstaklingur í annars mjög vönkuðu liði yfirlýsingalega séð.

Forustusauðinn Wanker er orðin frekar lappalaus af því að skjóta sig í fæturna í hvert sinn sem á móti blæs og hafa menn talað um Wanker og hans menn á móti heiminum þegar kemur að  vanhugsuðum yfirlýsingum.

En ég tek ofan fyrir Flamini fyrir að vera maður meiri og reyna ekki að kenna grasinu um dapurt gengu upp á síðkastið, það vill nefnilega þannig til að bæði liðin spila á sama grasinu.

Flamini: Hættum að afsaka okkur

Sennilega eini Lúserpúllarinn sem áttar sig á því...

Að í báðum leikjunum fór ekkert að gerast hjá Lúserpúl fyrr en þeir fengu ómælda aðstoð frá dómörunum við að fækka í liði andstæðinganna.

Sannarlega óumdeilanlegur sigur, ólíkt þegar lúserpúllarar komust áfram á móti Chel$ký hér um árið, en ég er nokkuð viss um að vinum mínum Úlpunum hefði heldur viljað leggja andstæðing sinn fullskipaðan og án aðstoðar frá dómurum.

 Fjögur lið frá Englandi kominn áfram og getur það ekki annað en staðfest þá skoðun mína að enska deildin er sú lang skemmtilegasta og sterkasta í heimi - drátturinn á föstudaginn verður svo sannarleg áhugaverður og að mínu mati bara spurning um hvaða ensku lið dragast saman - það skildi þó aldrei vera að mínir menn mæti 12 manna liðinu frá Liverpoolborg.

Steven Gerrard: Held að enginn vilji mæta okkur

Norðlenskt sjónvarp um allt land???

Er þetta þá ekki hætt að vera norðlenskt sjónvarp þegar það er um allt land?

Eða er það norðlenskt af því það er sent út frá Akureyri, eða af því að það eru norðlendingar sem koma fram?

En nú er Sigmundur Ernir norðlenskt upplegg en reyndar í reykvísku sjónvarpi, gætu þá fréttir S2 þá talist 1/2 norðlenskar?

Þurfa þeir sem koma fram í þessari norðlensku stöð að sýna fram á upprunavottorð?

Nú á ég ættir að rekja bæði í Svarvaðadal og Hörgárdal, gæti ég talist hæfur sem starfsmaður?

- Já maður spyr sig?

Norðlenskt sjónvarp um allt land

Smá sárabót

Þessi úrslit eru smá smárabót eftir klúðurslegt tap í bikarnum í gær!

 En hvað er að gerast hjá Arsenal, þeir virðast andlausir í deildinni og það litla sem ég sá af þessum leik þá voru þeir í vörn meira og minna þannig þessi úrslit kannski sanngjörn?

 Annars er magnað að aðeins eitt úrvalsdeildarlið sé komið áfram í bikarkeppninni og Barnsley sem sló Lúerpúl háðulega út í síðustu umferð gerði sér lítið fyrir og sló út $$$lið Chelský?

Mínir menn nú tveim stigum á eftir Arsenal og ljóst að titilbaráttan er nú í okkar höndum nú þegar endaspretturinn í deildinni er hafinn.

Þriðja jafnteflið í röð hjá Arsenal

Stóra Kerlingafjallamálið

Laugardaginn fyrir viku héldum ég og ferðafélagar mínir á fjöll þar sem ætlunin var að eiga góða kvöldstund í góðra vina hópi en annað kom á daginn, þökk sé staðarhöldurum í Kerlingafjöllum. Þarna ætlaði ég loksins að gera kellu mína að jeppakellu en það verkefni hefur staðið yfir í tvö ár án teljandi árangurs en frúin hafði ekki enn látið til leiðast að koma með mér í vetrarferð um hálendi Íslands. Upphaf dagsins lofaði góðu en árangurinn mál lesa í pistli mínum sem ég skrifaði á vef 4x4 http://www.f4x4.is/new/forum/default.aspx?file=ferdir/11681#92804 

____________________________________________________________________________ 

Ferðaþjónusta "101" EKKI BJÓÐA GISTINGU EF ALLT ER FULLT

Sæll Snorri  

Okkur finnst heldur halla á okkur ferðalangana í þessum pistli þínum og fyrst þú kýst að leysa málið opinberlega þá er sennilega réttast að við gerum það líka.

Satt að segja hef ég orðið fyrir miklum vonbyggðum með hvernig þið hafið tekið á þessu máli, og þessi grein þín á www.f4x4.is getur aldrei talist sem afsökunarbeiðni, hún er döpur tilraun til að réttlæta misgjörðir ykkar og reyna koma einhverri sök á þessu klúðri yfir á okkur.

Það er með ólíkindum að ykkar maður hafi misskilið þetta líkt og þú heldur fram. Það var aldrei í umræðunni að við værum á sleðum en ekki það að ég sjái hverju það breyti.

 - Við hringdum og pöntuðum gistingu fyrir 8-10 manns

- Fengum í fyrstu það svar að allt væri fullt en var svo tjáð að eitt hús væri laust og að við gætum fengið það.

- Við létum vita að við yrðum seint á ferðinni

- Við buðumst til að greiða fyrir gistinguna strax, en starfsmaður Kerlingafjalla vildi það ekki, vildi að við gerðum bara upp þegar á staðinn væri komið.

Það getur ekki breytt klúðri rekstraraðila Kerlingafjalla hvort við náðum sambandi við ykkur eða ekki - því við vorum búin að fá úthlutað skála fyrir 8-10 manns og ef það breyttist eitthvað og búið væri að ráðstafa skálanum til annarra hefði staðarhaldari átt hið minnsta að reyna hafa samband við okkur og láta vita (sem hann gerði ekki).

Ég keyri líka alltaf með VHF stöðina í bílnum á skönnun og varð ég ekki var við neinar tilraunir starfsmanns Kerlingafjalla til að kanna hvort við (sem áttum skálann pantaðan) værum á leiðinni eða ekki.

Það að við erum með lokaða einkarás hefur ekkert með málið að gera og lagar ekkert YKKAR KLÚÐUR.

Við Komum á svæðið um kl 23:30 og fóru fyrstu 30 mín í að grafa upp hvar staðarhaldari var niðurkominn. Við komum EKKI á svæðið og vorum að BIÐJA um gistingu - við komum á svæðið og tilkynntum að við ættum PANTAÐA gistingu í húsi sem væri aðeins fyrir utan svæðið, flestum gestum landsmóts LÍV sem við ræddum við fyrir utan aðalskálann fannst skrítið að við ættum pantaða gistu þetta kvöld.

Fyrsta sem við fengum að vita var að enginn vissi hvar staðarhaldari var niðurkominn og enginn gat hjálpað okkur þrátt fyrri ítrekaðar tilraunir okkar til að fá einhver svör. Hópurinn ræddi málinn og þá skringilegu stöðu sem upp var kominn, við vorum á þessum tímapunkti farin að brosa út í annað yfir þessu öllu saman, þ.e. við mætt á svæðið og enginn á vegum svæðisins til að ræða við okkur og lífsins ómögulegt að fá að tala við einhvern sem eitthvað vissi og reikistefnan algjör, við einfaldlega trúðum því ekki að þetta væri að gerast.

Við fórum aðra ferð til að reyna finna staðarhaldara í aðalskála og loks fundum við einn gest sem var tilbúin að aðstoða okkur þar sem hann taldi sig vita hvar staðarhaldari var niðurkominn.

Nú héldum við að björninn væri unnin og staðarhaldari myndi koma og leysa málið - EN NEI - við fengum aldrei þann heiður að tala við manninn heldur lét hann sendiboða (þennan ágæta gest sem bauð fram aðstoð sína) bera upplýsingar í okkur, upplýsingar sem voru - ALLT FULLT EKKERT HÆGT AÐ GERA, - [við] já en við áttum pantað - SORRÝ ALLT FULLT EKKERT HÆGT AÐ GERA.

Ég hef starfað við sölu og þjónustu alla tíð og verð ég að viðurkenna að álíka uppákomu hef ég aldrei lent í - þessi ágæti staðarhaldari Kerlingafjalla (sem nota bene virtist vera eini maðurinn á svæðinu sem vissi eitthvað) gat engan veginn stigið úr rekkju og kannað hvað málið var, það getur ekki annað en talist nokkuð alvarleg staða þegar 8 manna hópur mætir á svæðið og heldur því fram að hann eigi pantaða gistingu. Ef ég set mig í hans spor og ég væri vakinn upp "um miðja nótt" og mér væri sagt að komið væri fólk sem segðist eiga pantaða gistingu, myndi ég hið minnsta rísa úr rekkju og kanna hvað málið væri frá fyrstu hendi. Ég færi svo bara að sofa aftur þegar málið væri leyst.

Í SÖLU OG ÞJÓNUSTU STÖRFUM LEYSIRÐU ÞAU MÁL SEM KOMA UPP EF ÞESS ER EINHVER KOSTUR, ÞÚ HELDUR EKKI ÁFRAM AÐ SOFA.

Þegar þarna er komið við sögu er kl langt genginn í 01:00 og við ekki með gistingu. Þetta boð um að hluti hópsins fengi að gista í glensinu í stóra skálanum með ákaflega hressum og glöðum vélsleðamönnum var í sjálfu sér ekki slæmt en fyrir okkur var alveg eins gott að vaka og keyra eins og að vaka og djamma með vélsleðamönnunum.

Við ákváðum því að rúlla af stað og í fyrstu atrennu að keyrða inn á Kjöl og taka stöðuna þar, það var alveg eins inni í myndinni að rúlla norður fyrir og reyna við gistingu þar. Við vissum af öllum þessum skálum á svæðinu, en við vissum líka af því að það var mikið af fólki á fjöllum þessa helgi.

Við mátum stöðuna þannig að fara eiða drjúgum tíma á þessum tíma dags í að keyra upp að skálunum á svæðinu til að kanna gistimöguleika væri ekki það besta í stöðunni og myndi líklega tefja það enn frekar að við kæmumst á náttstað og því varð það úr að við keyrðum suður og endaði sá akstur heima í heiðardalnum, réttilega okkar val en klárlega "ykkur að þakka" að svona fór.

Það að það séu fleiri skálar á miðhálendi Íslands lagar ekkert stöðuna fyrir ykkur ágætu herramenn, VIÐ ÁTTUM PANTAÐ HÚS HJÁ YKKUR hvort sem starfsmaður ykkar misskildi okkur fyrir að vera skíðagöngumenn, vélsleðamenn, jeppamenn eða aðrir ferðalangar á fjöllum. Ykkar starfsmaður lofaði gistingu (húsi) og við buðumst til að borga strax, sem hann afþakkaði og vildi heldur taka við greiðslu á staðnum (hefði hann þá ekki þurft að vakna?). Það var enginn viðleitni af ykkar hálfu á staðnum til að sjá hvernig væri hægt að leysa málið, þess í stað hélt starfsmaður ykkar áfram að sofa og hafði greinilega engan áhuga á að ræða við okkur til að kanna hvað málið var.

Ég vill leggja áherslu á að sú staðreynd að barn væri með í för hefur ekkert með þetta mál að gera og var aldrei nein krafa okkar hálfu að á okkar máli væri tekið á sértækan máta af því það var barn í hópnum. Við vildum einfaldlega fá þá gistignu sem við pöntuðum og okkur var lofað og hópurinn var búin að ferðast inn á mitt hálendið til að koma í. En svona lítur þetta út fyrir okkur sem fórum í þessa ferð og þess vegna finnst okkur að menn eigi að geta beðist afsökunar án þess að afsaka sig.

Við tökum þá bara CL og PL

Ég verð að viðurkenna að þessi úrslit eru með einhverjum mestu ólíkindum sem ég hef orðið vitni að og hafa þau nú sum hver verið mögnuð!!

Það að tuðran skyldi ekki fara í netið hjá mínum mönnu þó ekki væri nema í eitt skipti er undravert. Ég bíð spenntur að sjá hvað Lúserpúl Úlpurnar segja núna en þeim hefur verið tíðrætt um sértækar aðgerðir dómara á Old Trafford Man Utd í vil.

En svona er þetta og lítið við þessu að gera

Portsmouth sigraði Man Utd