Mínus 1

Ég er stoltur af Sirnum að treysta kjúllunum fyrir undanúrslitaleiknum um helgina og það mátti ekki miklu muna að þeir kláruðu þetta.

Það er leitt að vera dottin út úr elstu bikarkeppni í heimi svona er þetta bara það er ekki hægt að vinna allt.

Öruggur sigur!

Ég hef ekki verið sáttur Ronaldo í síðustu leikjum, en hann sannaði það heldur betur af hverju hann ber titilinn besti leikmaður heims, þetta mark er bara með ólíkindum!!!!

Greinilega lífsnauðsynlegt fyrir mína menn að fá Rio í vörnina aftur enda steig hún ekki feilspor í kvöld og sigurinn því aldrei í hættu þó óneitanlega hefði verið þægilegra að setja mark#2 til að tryggja þetta.

Þá er það ljóst að Lpool á aðeins eftir að spila 6 leiki á þessari leiktíð en leikir MUFC gætu orðið 12 og því óneitanlega verðugt verkefni að keppa um titilinn við púllara.

Þegar einn og hálfur mánuður er eftir að tímabilinu hafa mínir menn unnið allar keppnir sem þeir hafa tekið þátt í á þessari leiktíð og eru enn með í öllum keppnum. Af þeim þrem titlum langar mig mest í eftirfarandi titla í þessari röð.

1. PL
2. CL
3. FA

Enginn þessara titla er öruggur, prógramm lpool og MUFC er svipað ef ekki er horft til þess að mögulega leika mínir menn helmingi fleiri leiki það sem eftir lifir af þessu tímabili. Alla vega verða það 10 leikir sem mínir menn spila, sjö leikir í deild, einn í undanúrslitum FA og tveir í undanúrslitum CL og svo að sjálfsöðgðu tveir úrslitaleikir til við bótar í CL og FA

ps. ánægjulegt að sjá að ensku liðin léku með sorgarbönd í dag og sérstaklega í ljósi þess að þau óskuðu sjálf eftir því að fá að gera það, en að mínu mati hefði UEFA átt að láta öll lið í fjórðungsúrslitum gera hið sama.

En áfram skröltir hann þó...

Það er orðið ansi langt síðan mínir menn hafa spilað alvöru vörn, við höfum ekki haldið markinu hreinu í of mörgum leikjum upp á síðkastið og auðvelt væri að kenna því um að marga menn hefur vantað síðustu leiki en það er bara einfaldlega ekki afsökun. Besta lið heims á að geta yfirstígið meiðslavandræði og leikbönn án þess að fá á sig markasýningu leik eftir leik.

Það er greinilegt að besta varnarmanns heims er sárt saknað og vonandi að Rio verði kominn í stand sem allra fyrst til að taka félaga sína á teppið og fara stýra vörninni eins og hann gerir svo lista vel.

Gaman að sjá að Lpool menn eru stignir upp úr þunglyndinu og farnir að láta sjá sig á ritvellinum aftur og er það bara jákvætt því heimurinn er einfaldlega litlaus án þeirra. LOL

En að máli dagsins, Kiko, já hvað getur maður sagt annað en hann hefur reynst þyngdar sinnar virði í gulli síðustu tvo deildarleiki. 17 ára kvekendi og hann getur bara ekki hætt að skora, vonandi bara að hann blómstri áfram og við fáum að sjá þennan leikmann þróast upp í strikerinn sem hann stefnir í að verða. KLAPP KLAPP. 

Auglýst ef eftir liverpúlstuðningsmönnum!!!

Auglýst er eftir liverpúlstuðningsmönnum en síðast sást til þeirra og heyrðist um kvöldmatarleitið. Þeir eru flestir klæddir í bjórmerktum treyjum rauðum að lit og með tómann bjór í hendinni. Líklegt er talið að þeir sitji fyrir framan sjónvarp grátandi og talandi við sjálfa sig eins og úttaugaður spilafíkill sem var sannfærður að lottóúrdrátturinn væri að fara skila þeim stórapottinum í kvöld.

Þeir sem hafa orðið þeirra varir síðustu klukkustundirnar eru vinsamlegast beðnir um að hughreysta þá, tala lítið um fótbolta síðustu klukkustunda og minnast hellst sem mest á forna titla sem gætu mögulega létt þeim lundina.

Dapurt -

 

Jafntefli er sama og tap, ef það væri ekki fyrir Rooney þá værum við í svipaðri stöðu og Liverpool, þ.e. enginn titill í húsi og smá möguleiki á einum.

Ekkert meira um það að segja.

Ekki besta vikan á tímabilinu!

En við erum samt efstir í deildinni, það verður ekki tekið af okkur þrátt fyrir tvo hræðilega leiki.

Nú er ekkert annað að gera en að gyrða í brók og fara spila eins og menn. Þetta eru skemmtilegir frasar sem heyrast frá púllurum sem nú sem aldri fyrr eru á meðalvor og hafa gaman. Ég hef sagt það áður og ég segji það aftur, þetta eru mínir uppáhalds andstæðingar og því er þetta þrátt fyrir fúlheit yfir döprum árangri síðustu tveggja leikja er helvíti gaman að fá dag eftir dag að rífa kjaft bið ykkur aularnir ykkar. En eins og vanalega og því miður dettur lpool niður í sömu meðalmennskuna og áður og þá fer minna fyrir öllum bröttu greyunum sem nú gera sig breiða.

Til hamingju með verðskuldaðan sigur.

Þetta er eins og að vera með niðurgang, drullu, hálsbólgu, hausverk, beinverki, háan hita og lafandi gillinæð....Það er ekki hægt að taka það af púllurum að þeir spiluðu þennan leik skinsamlega og urðu úrslitin í samræmi við það. Við áttum ekki skilið að vinna þennan leik en úrslitin sem við gefum þarna voru full mikið af því góða en sennilega fínt að kúka upp á hnakka fyrst við vorum að gera í buxurnar á annað borð.

Sigurganga okkar gegn liverpool undanfarin ár þar til að þessari leiktíð kom er með ólíkindum og hlaut að taka enda sem hún gerði heldur betur í dag. Þó það sé sárt að tapa svona stórt gegn erkifjendunum #1 er samt gaman að heyra í öllum vinum mínum sem ég hef ekki heyrt frá í langan tíma og gott til þess að vita að þeir eru með heilsu til að láta vita af sér. TAKK.

 Það er alveg ljóst að mínir menn munu rísa upp öflugri en nokkru sinni fyrr eftir þessa niðurlægingu! 

:o)

7 stig!

Hrein unun á að horfa

Það er fokið í flest skjól þegar Höddi Magg yfirpúllari kemur varla upp orði yfir glæsilegri spilamennsku minna manna. Það er af sem áður var þegar maður var farinn að reita hár sitt yfir lýsingum Hödda en nú heyrast orð eins og "besta liðið í heiminum" og fleira í þeim dúr. LOLEn það er líka bara þannig að hrein unun er að horfa á Manchester United spila í dag, flæðið á boltanum er með ólíkindum og sendingar nánast klikka ekki allan leikin, víííííí.

Paul Scholes var magnaður í leiknum með magnað mark og svo virðist sem gömlumennirnir séu bara að yngjast og verða betri.

Rooney með mark eftir tvær mínútur inn á og ekkert virðist stöðva mína menn þessa stundina. Það nánast gleymist að Van Der Sar var að halda hreinu 14 leikinn í röð og er nú bara einum leik frá Evrópumetinu. Klapp Klapp.

Fimm stiga forskot á erkifjendurna og mun betra markahlutfall gerir framhaldið vænlegt, en það er samt ljóst að Liverpool mun ekki gefa kapphlaupið frá sér baráttulaust og verður endaspretturinn með þeim skemmtilegri í langan tíma

 

Man.Utd með fimm stiga forystu

Skandall..

..Að þessi ótrúlegi leikmaður hafi aldrei verið valin leikmaður ársins á Englandi!

Giggs er búin að eiga magnaðan feril og hefur sett standarda sem aldrei verða slegnir.

Hvenær skoraði Giggs síðast með hægri?