Helvítis focking fock (:oþ

Það er ekkert annað hægt að segja um þennan leik í dag annað en að betra liðið í kvöld vann leikinn!

Það er ekki hægt að kenna því um að varaliðið hafi verið að spila þó það hafi sannarlega vantað marga sterka leikmenn, leikmennirnir sem voru inni á vellinum eiga að hafa getu til að vinna þetta Derby lið en þeir börðust eins og ljón og mættu mínum mönnum allstaðar á vellinum.

Ég hef svo sem ekki miklar áhyggjur af þessu ef ég segi eins og er þar sem við vinnum þá 3-0 á Old Trafford.

Er hægt að komast endalaust upp með að bulla í vinnunni?

Ég vill áður en ég hefst handa að taka það fram að Höddi Magg er vafalaust drengur góður og fínn kall en eftir frammistöðu hans í dag við að lýsa leik MAN UTD í FA bikarnum má spyrja sig hvort það væri ekki hægt að finna eitthvað þarfara fyrir kallinn að gera uppí Skaptahlíð, eða uppi á Lynghálsi þar sem lýsingarnar fara fram.

Það er nánast fastur liður að Höddi lýsi leikjum minna manna og því kannski ekki eitthvað nýtt á ferðinni, ég hef reyndar gaman af því að hlusta á Hödda lýsa leikjum minna manna þar sem hann leyfir sér svo lúmskt að finna að flestu því sem leikmenn MAN UTD eru að gera. En nóg um það, af tvennu illu er sennilega skárra að láta hann "hatast" út í mína menn þar sem sennilega er ekki hægt að láta hann lýsa leikjum síns liðs sökum hlutdrægni, en nóg um það.

Það eru tvö atriði í dag sem eru með ólíkindum í lýsingu Hödda frá því í dag.

#1 - Rauðaspjaldið á brot á Vidic: Fyrr í vetur var talaðu um að banna ætti leikmann til æviloka sem fótbraut andstæðing sinn í ekki ósvipaðri tæklingu. Vidic bar ekki skaða af tæklingunni sem hann lenti í en er það mælikvarðinn? Hvað hefði Höddi sagt ef Vidic hefði stigið aðeins fastar í fótinn og hann hefði kubbast í sundur? Höddi talar um ef ég man rétt að dómarinn hefði átt gæta meðalhófs og að meta leikinn!!!! Hvað er það, er það af því annað liðið er sterkara á pappírum en hitt og því sannarlega ójafnt gefið þegar veikara liðið hefur misst mann af velli? og því einungis í lagi að vísa manninum útaf ef hann hefði stórslasað andstæðinginn!! MAGNAÐ

#2 Vítaspyrnudómur: Ég tek það strax fram að ég fullyrði ekki hvort boltinn hafi farið í hönd leikmannsins í varnarveggnum, undir handarkrika eða í haus hans, það er einfaldlega ekki hægt að sjá það nákvæmlega á þeim myndum sem ég hef séð. En leikmaður í varnarvegg sem er kominn með hendur upp fyrir haus til að verjast boltanum í varnarvegg hlýtur að vera bjóða hættunni heim þegar að boltinn stefnir í átt að þeim stað sem hendurnar eru. Alla vega, ekki frekar en að ég hef myndir til að fullyrða eitthvað um málið þá hefur ágætur Hörður Magnússon ekki neitt í höndunum til að fullyrða um fáránlega dómgæslu. Fullyrðingar Hödda í framhaldinu í lýsingunni eru með hreinum ólíkindum og sýnir svo ekki verður um villst að hann þyrfti aðeins að taka sjálfan sig í endurskoðun áður en hann heldur áfram að lýsa leikjum MAN UTD.

Það er örugglega ekki einfallt mál að lýsa leikjum svo meðalhófi sé gætt og allir séu sáttir, það þarf vafalaust ekki mikið til að grenjuskjóður liðana sem verið séu að lýsa missi sig þegar þeir eru ekki sáttir við það sem sagt er en þetta var að mínu mati aðeins of mikið.

Annars var leikurinn frekar leiðinlegur á að horfa og má segja að þetta hafi verið klassískur leikur neðrideildarliðs og efstudeildarliðs. En ég er ánægður með góðan sigur.

Stefnir að lágmarki að því að fá samning við Hull

 

Litli snillingurinn minn sem er 9 ára og er mikill knattspyrnumaður, æfir með Haukum og nýtur þess frábæra starfi sem Freyr og Haukarnir viðhalda.

Hann veitti því mikla athygli þegar hann sá að 17 ára íslenskur MAN UTD stuðningsmaður hefði verið að skrifa undir hjá Liverpool. Við feðgar eru ekkert ósvipaðir að mörgu leiti en þó sérstaklega erum við svipaðir þegar kemur að því hvaða lið við styðjum í enska.

Sá stutti fór að spyrja mig út í þetta mál, hvernig það gat verið að Liverpool væri að kaupa MAN UTD stuðningsmann, og eftir nokkra umræðu um málið okkar á milli viðurkenndi hann það fúslega að hann myndi spila fyrir Liverpool ef þeir biðu honum samning.

En þá kom þessi fleyga setning.

"ég ætla alla vega ná að fá samning við Hull"

Mikið vona ég að sá stutti nái að hafa sjón á þessum markmiðum sínum til að halda áfram að sama áhuga að æfa fótbolta

Enn eru mínir menn að spila með rassgatinu

En ná þó að landa þrem stigum.

Það er alveg ljóst að mínir menn verða fara rífa sig upp úr ruglinu ef ekki á illa að fara.

Það sést vel í síðustu tveim leikjum hvað Evra er okkur gríðarlega mikilvægur og klárt að fjarvera hans er stór þáttur í slappri spilamennsku liðsins.

Ekki glæsilegasti leikur minna manna

Já ég verð að viðurkenna að þetta var ekki flottasti leikur minna manna á móti Stoke í dag en 3 stig engu að síður.

Ronaldo sennilega með sinn daprasta leik hingað til og Rooney heppinn að fá ekki rautt og vonandi að hann fái ekki bann fyrir þetta olnbogaskot.

Það er reyndar vafalaust erfitt að koma sér í gír eftir þetta ferðalag til Japans og gott að ná þessum þrem stigum.

Tévez tryggði Man.Utd sigur á Stoke - Chelsea á toppinn

Heimsmeistarar!!!

Það er vonandi að meistarinn hafi rétt fyrir sér þarna, ég hef verið þeirrar skoðunar að það sé ekki gott að vera leikjum á eftir. Mínir menn eru þó búnir að landa einum titli í ár og það þann sem merkir okkur besta lið heims, við erum einnig með í öllum keppnum á þessu tímabili en það er meira en hin toppliðin geta sagt.

Yfirstandandi keppnistímabil verður vafalaust það mest spennandi í langan tíma því mörg lið er með í baráttunni og held ég að baráttan verði spennandi alveg til loka.

Þetta er búið að vera skelfilega þurr tími í bloggi og lofa ég að framundan séu safaríkari tímar í fótboltaumræðu.

Gleðileg jól!

Alex Ferguson: Sigurinn á HM virkar sem vítamínssprauta á liðið

Jóel í eldlínunni

 Jóel keppti með Haukunum á Íslandsmóti 6. flokks í handbolta um helgina, á þessari mynd í Mogganum í dag má sjá kappan í vörninni á móti Fram.

 

BESTUR Í HEIMI ef ekki fyrr og síðar

Ef menn héldu að síðasta tímabil væri einhver bóla hjá Ronaldo þá geta þeir hinir sömu hætt að spá í það. Drengurinn átti á köflum í dag magnaðan leik og kom með tvær útfærslur af aukaspyrnum sem gáfu mörk. Önnur yfir vegginn þar sem boltinn tók ótrúlega sveig rétt fyrir framan Sörenssen og hin í hornið hjá þeim danska, magnaðar aukaspyrnur. Þessi snillingur er búin að skora 101 mark fyrir Manchester United í 253 leikjum sem svo sannarlega er magnaður árangur hjá vængmanni.

Drengurinn er búin að skora 8 mörk í deildinni í þeim 9 leikjum sem hann hefur spilað, það er einfaldlega stórkostlegur árangur.

Nú er ekkert annað að gera en að semja við þennan magnaða leikmann upp á nýjan langtíma samning.

Fótbolti og aftur fótbolti !!

Eftir að hafa gefið þessu rúman sólarhring þá fór ég af stað og renndi yfir bloggheima og skoðaði blogg púllara vina minna (og einnig þeirra púllara sem ég tel ekki vini mína) en sérkennileg tilfinning rann á mig, því það var eins og að leikur liverpool þessa helgina hafi verið frestað, því það var hvergi að sjá hjá þessum ágætu mönnum að neinn leikur hafi verið spilað. Nokkrir höfðu fyrr í vikunni spáð smásigrum og stórsigrum og allt þar á milli en engin skrif um niðurstöðu leiksins. Ég rakst reyndar á einhver skrif hjá Hallgrími þar sem hann var að skoða kristalkúlu og hætti ég að lesa í skyndingu þar sem hann hlaut að vera fara yfirum í kreppunni.

Alveg er þetta nú í takt við allt það sem ég hef skrifað í gegnum tíðina. Það vinnast nokkrir leikir í byrjun móts og púllaragreyin eru eins og táningur með standpínu í fyrsta skipti........ LOL en hvar eru þeir nú, eitt tap og PÚFFF, daddara engir púllarar að skrifa. HAHAHAHA

Annars gerðu mínir menn sér lífið leitt með að hleypa Hull aftur inn í leikinn eftir að hafa verið komnir 4-1 yfir - en það sem stendur upp úr er að Ronaldo er klárlega kominn í gang með 4 mörk í síðustu tveim leikjum. Berba er að sýna það og sanna hversu magnaður leikmaður hann er með svakalegum stoðsendingum hægri vinstri, það styttist í að ég taki kaupverðið á honum í sátt. Rooney að vanda magnaður eins og í raun allt liðið, það er kominn svakaleg keyrsla á liðið sem verður erfitt að stoppa og spennandi að sjá skemmtilegan slag við nallana um aðra helgi.

Ég auglýsi eftir púllurunum sem eru búnir að hafa sig mikið í frammi upp á síðkastið - LOL -

Enski um helgina

Það var ekki mikil reysn yfir mínum mönnum um helgina ef marka má yfirlýsingar stjórans og skrif um leikinn í fjölmiðlum en ég sá ekki leikinn vekna óhagstæðrar verkefnastöðu um helgina.

Það verður að viðurkennast að úrslitin á móti Everton eru vonbrigði sérstaklega í ljósi þess hvernig liðið var að spila í meistaradeildinni í vikunni en svona er þetta - liðið verður einfaldlega að stíga upp og gera betur.

Það ber sannarlega hæst árangur Liverpool á Brúnni um helgina þar sem þeir stöðvuðu langa sigurgöngu heimamanna á heimavelli en ekki það að það gleðji mig eitthvað sérstaklega að Liverpool vinni leik nema síður sé. Það var nú ekki mikil reysn yfir sigurmarkinu og er það lýsandi yfir heppni liðsins upp á síðkastið, en þú vinnur ekki deildina á heppni og ljóst að mikið vatn á eftir að renna til sjávar áður en yfir líkur.

En það er samt gaman að því og ákaflega fyrirséð hvernig allir litlu púllararnir geysast fram og skoppa um eins og þeir hafi lyft bikar við þennan sigur.